हिबिस्कस क्विज मेनिया सिजन ५ को आयोजना हुने

विष्फोट न्युज 

धरान,१३ कार्तिक ः हिबिस्कस इङलिस वोडिङ स्कुल धरान –१५ यस वर्षको हिविस्कस क्विज मेनिया सिजन ५ को तयारीमा जुटेको छ ।

 शुक्रवार स्कुलमा पत्रकार सम्मेलनको आयोजनागरी सो विषयमा जानकारी गराएको हो ।

विद्याथीैहरुलाई पढाईको अतिरिक्त वौद्धिक क्षमतालाई अगाडी वढाउने उदेश्यले कार्यक्रमको आयोजना गर्न लागिएको प्रतियोगिताका संयोजक सुवास मोक्तानले जानकारी दिनुभयो ।

धरान हुदै जिल्ला स्तरीय अन्तर स्कुल हाजिरी जवाफ प्रतियोगिता आयोजना गर्दै आएको हिविस्कसले यस पटक भने खुल्ला हाजिरी जवाफ प्रतियोगिताको आयोजना गर्न लागेको हो ।

हाजिरी जवाफमा भाग लिन इच्छुक जुनसकै जिल्लाका जुनसुकै विद्यालयले पनि सहभागीता जनाउन पाउने र कक्षा १२ सम्मका विद्याथीहरु सहभागी हुन पाउने आयोजकले जनाएको छ । ३ जनाको समूह हुने र एकजना छात्रा अनिवार्य हुनु पर्ने पनि आयोजकले जनाएको छ 

खरीदार लेवलको सिलेवसको आधारमा प्रश्नपत्र तयार गरीने भएकोले प्रतियोगितामा विजेता उपविजेता लगायत परिणाम ल्याउन सक्नेले लोकसेवा आयोग पास गर्न सक्ने क्षमताको विकास हुने प्रतियोगिता सहसंयोजक विकास कुमार साहको दावी रहेको छ ।

प्रतियोगिता पुष ९ र १० गते स्कुलको प्राङ्गणमा आयोजना हुनेछ ।

साहका अनुसार पहिलो चरणमा १ सय प्रश्न सोधिने छ भने अंकभार पनि १ मात्र रहने छ त्यसमा यस वर्ष आइ क्यु पनि समावेश गरीएको छ ।

पहिलो चरणमा ग्रुपमा लिखित प्रश्न दिइनेछ र सो बाट छनौट हुने १० टिमले फाइनलमा सहभागी हुन पाउनेछन ।

प्रतियोगिता संचालनका लागि समितिमा सहसंयोजक विकास साह, जनसम्पर्क समन्वयमा नयन राज राई र्र प्राविधिकतर्फ मनिष श्रेष्ठलाई जिम्मेवारी दिइएको निर्देशक राईले वताउनु भयो ।

प्रतियोगितामा १ सय ५० भन्दा वढी विद्यालयले सहभागिता जनाउने विश्वास रहेको कार्यक्रम संयोजक सुवास मोक्तानले वताउनु भयो ।

पुरस्कारतर्फ

प्रथम पुरस्कार नगद २० हजार, ट्रफि,मेडल र प्रमाण–पत्र

दोस्रो पुरस्कार नगद १५ हजार मेडल र प्रमाण–पत्र

तेस्रो पुरस्कार नगद १० हजार प्रमाण–पत्र

चौथो पुरस्कार नगद ६ हजार प्रमाण– पत्र

पाँचौ पुरस्कार नगद ४ हजार प्रमाण–पत्र

छैटौ पुरस्कार नगद २ हजार प्रमाण–पत्र प्रदान गरीने स्कुलका प्रवन्ध निर्देशक गंगाराम राईले जानकारी दिनुभयो ।

टिमको सहभागीतको संख्या हेरेर विद्यालयमा अटने अवस्था नभएमा अन्य स्थानमा पहिलो चरणको प्रतियोगिता आयोजना गरीने निर्देशक गंगाराम राईले जानकारी दिनुभयो ।

खुल्ला प्रतियोगिता भएको हुनाले करिव १सय ५० विद्यालय सहभागी हने अपेक्षा गरीएको निर्देशक राईको भनाई रहेको छ ।

पहिलो चरणमा छनौट हुने शिर्ष स्थानका ६ वटा टिमले १० गते हुने फाइनलमा भाग लिन पाउनेछ ।

२०७९ सालबाट शुरु भएको सो प्रतियोगिताको पहिलो विजेता हिबिसकस इङ्लिस वोडिङ स्कुल वनेको थियो भने दोस्रो वर्षको विजेता नेपाल पुलिस स्कुल वनेको थियो ।

गत वर्षको विजेता मोरङको साजिलाल मा.वि.बनेको थियो ।

प्रतियोगितालाई स्कुलको व्राण्डको रुपमा अगाडी वढाउदै लगिने निर्देशक राईले वताउनु भयो ।