विक्रमलाई आमचोक गोरखा ट्रेलरेसको उपाधि

जेठ १५, २०८३

अक्षर साइज

विष्फोट न्युज

धरान,१५ जेष्ठ ः भोजपुरको आमचोकमा सम्पन्न “प्रथम आमचोक गोरखा ट्रेलरेस २०८३को उपाधि लेटाङका विक्रम लिम्वुले हात पारेकाछन् ।

आफ्ना प्रतिष्पर्धीलाई पछि पार्र्दै लिम्वुले सो उपाधि हात पार्न सफल वनेका हुन ।

लिम्वूले नगद १२ हजार मेडल र प्रमाण पत्र हात पार्न सफल भएकाछन भने आमचोक गाउँपालिकाका दीपक राई दोस्रो हुँदै नगद ७ हजार मेडल प्रमाण पत्र हात पारेकाछन् ।

यता प्रतियोगितामा नारायण बिष्ट तेस्रो हुँदै नगद ५ हजार मेडल प्रमाण–पत्र प्राप्त गरे।

खुला महिलातर्फ रामप्रसाद राई गाउँपालिका, बासिखोराकी रुष्मा राई प्रथम स्थान ल्याउन सफल वनेकी छिन् उनले नगद १२ हजार मेडल प्रमाण पत्र हात पारेकीछिन् ।

त्यसैगरी आमचोक गाउँपालिकाकी पासाङ दिकी शेर्पाले दोस्रो स्थान हासिल गर्दै नगद ७ हजार मेडल र प्रमाण पत्र प्राप्त गरिन् भने कल्पना राई तेस्रो हुँदै नगद ५ हजार मेडल प्रमात्र पत्र पुरस्कार प्राप्त गर्न सफल भइन्।

यता १५ वर्षमुनि महिलातर्फ रामप्रसाद राई गाउँपालिका, बासिखोराकी करिना राई प्रथम भइन्। उनले नगद ३ हजार पुरस्कार प्राप्त गर्न सफल बनिन । रजिना राई दोस्रो तथा आस्था राई तेस्रो हुँदै क्रमशः नगद २ हजार र नगद १ हजार पुरस्कार प्राप्त गर्न सफल भए।

त्यसैगरी १५ वर्षमुनि पुरुषतर्फ सफल राई प्रथम हुँदै नगद ३ हजार पुरस्कार जित्न सफल भए। ओशन राई दोस्रो तथा बिधिहाङ राई तेस्रो हुँदै क्रमशः नगद २ हजार र नगद १ हजार पुरस्कार प्राप्त गर्न सफल भए ।

आमचोक गाउँपालिकाको पर्यटन प्रवर्द्धन, खेल विकास तथा विभिन्न युद्धमा सहिद भएका वीर गोर्खालीहरूको सम्मान र सम्झनामा प्रथम आमचोक गोरखा ट्रेलरेस २०८३ आयोजना आयोजक संस्थाका अध्यक्ष महेन्द्र राईले बताए ।

गाउँपालिकाको सहयोगमा आयोजित प्रतियोगितामा विभिन्न विधातर्फ उत्कृष्ट प्रदर्शन गर्ने खेलाडीहरू पुरस्कृत भएका छन्।

प्रतियोगिताले स्थानीय पर्यटन प्रवर्द्धनसँगै खेलकुदमार्फत युवाहरूलाई सकारात्मक सन्देश दिएको आयोजक गोर्खा सेमीट्रिज ट्रष्ट नेपालका अध्यक्ष महेन्द्र राईले बताएकाछन् ।प्रतियोगिताको उद्घाटन आमचोक गाउपालिका २ नं वडाका वडाध्यक्ष नेत्र बहादुर खत्रीले गरेका थिए ।

विजेताहरुलाई वडा खत्री लगायतले पुरस्कार तथा प्रमाण पत्र वितरण गरेका थिए ।

विक्रमलाई आमचोक गोरखा ट्रेलरेसको उपाधि

हाम्रो भनाई

हाम्रो टीम

सम्पर्क