धरानमा पहिलो पटक अन्तर क्लब महिला अन्तर्राष्ट्रिय रात्रिकालीन गोल्डकप हुने

भदौ २७, २०८३

अक्षर साइज

विष्फोट न्युज
धरान,२७ भाद्रः खेलकुदको शहर उपनामले चिनिने धरानमा खेलकुलका विभिन्न गतिविधि भइरहने गरेको छ सोही अनुसार धरानमा पहिलो पटक रात्रिकालीन महिला अन्तर क्लब अन्तर्राष्ट्रिय गोल्डकप फुटबल प्रतियोगिता हुने भएको छ ।

डी–१९ क्लब धरान–१९ क्लबले ‘प्रथम धरान महिला अन्तर्राष्ट्रिय गोल्डकप–२०८३’ आयोजना गर्ने घोषणा गरेको हो ।

क्लबका अध्यक्ष तथा प्रतियोगिता संयोजक सन्तोष राईले आगामी कार्तिक २८ देखि मङ्सिर ६ गतेसम्म धरान रङ्गशालामा अस्थायी फ्रलडलाइट जडान गरेर रात्रिकालीन प्रतियोगिताको सञ्चालन गरिने जानकारी दिएकाछन् ।

आयोजकले दिएको जानकारी अनुसार अन्तर्राष्ट्रिय महिला आमन्त्रण फुटबलको रात्रीकालिन प्रतियोगिता पहिलो पटक आयोजना गर्न लागिएको हो । रात्रिकालीन फुटबल यस अघि गोधुली अन्तर वडा फुटबल एक पटक सञ्चालन गरिएको थियो ।

महिला फुटबलको व्यवसायिक विकासमा स्थानीय खेलाडीलाई अन्तर्राष्ट्रिय स्तरको खेलाडीसँग प्रतिस्पर्धा गर्ने अवसर सिर्जना गर्न प्रतियोगिता आयोजना गर्न लागिएको क्लबका सचिव उमेश जिमीको भनाई रहेको छ ।

प्रतियोगितामा आक्वा फुटबल क्लब भारत, नेपालका विभागीय टिमहरू एपीएफ, नेपाल आर्मी त्रिभुवन क्लब, नेपाल पुलिस क्लब, सशस्त्र प्रहरी, बागमती फुटबल क्लब, उदयपुर फुटबल क्लब र आयोजक स्वर्णिम फुटबल क्लब धरान सहभागी हुने क्लवका सचिव जिमिले जानकारी दिएकाछन ।

प्रतियोगिताको विजेताले ५ लाख रुपैयाँ नगद पुरस्कार र विजेताको कप प्राप्त गर्नेछन भने उपविजेताले १ लाख रुपैयाँ प्राप्त गर्नेछ । प्रत्येक खेलको प्लेयर अफ द म्याचलाई १० हजार रुपैयाँ प्रदान गरिनेछ ।

प्रतियोगिताको उत्कृष्ट खेलाडीलाई ईभी स्कुटर प्रदान गरिने आयोजकले जनाएको छ । बेस्ट किपर, बेस्ट डिफेन्स, बेस्ट मिडफिल्डर, बेस्ट फरवार्ड, बेस्ट कोच र सर्वाधिक गोलकर्तालाई जनही १५ हजार रुपैयाँ पुरस्कार प्रदान गरिने छ ।

प्रतियोगिता सञ्चालनका लागि करिब ९१ लाख १० हजार रुपैयाँ खर्च हुने अनुमान गरिएको सचिव जिमिले वताएकाछन ।

प्रतियोगितामा सञ्चालनका लागि धरान उपमहानगरपालिका, वडाध्यक्षहरू, व्यवसायीहरू तथा विदेशमा रहेका धरानका पूर्व फुटबल खेलाडीहरूबाट सहयोग प्राप्त हुने अपेक्षा गरीएको छ ।

धरानमा पहिलो पटक अन्तर क्लब महिला अन्तर्राष्ट्रिय रात्रिकालीन गोल्डकप हुने

हाम्रो भनाई

हाम्रो टीम

सम्पर्क